Ө.Жәнібеков атындағы №4 лицей-интернаты
Түркістан облысы Отырар ауданының білім бөлімі
Мамандық таңдау кезеңінде тұрған оқушыларға бағыт – бағдар беріп, таңдау мүмкіндіктерін шешуіне ықпал ету. Оларды өз пікірін еркін айтуға, басқаның пікірін сыйлай білуге, жүйелі ойлауға баулу. Оқушылардың қоғамға деген азаматтық позициясын қалыптастырып, отансүйгіштікке тәрбиелеу.
Түркістан облысы, Отырар ауданы, Өзбекәлі Жәнібеков атындағы №4 жалпы орта лицей-интернатында “Өзін-өзі тану-Шығармашылық пен Махаббат педагогикасы” атты ақпараттық компаниясының мерейлі іс-шарасы барысында “Жүректен-жүрекке”, “Жақсылық жасауға асығыңыз” атты қайырымдылық акциясы аясында өзін-өзі тану пәнінің мұғалімдерінің ұйымдастыруымен аз қамтылған отбасы балаларына сыйлықтар тарту етіп, жүректеріне қуаныш нұрын сыйлады.
Түркістан облысы, Отырар ауданы,Өзбекәлі Жәнібеков атындағы №4 жалпы орта лицей-интернатының кітапханасы
Мемлекет басшысы Қасымжомарт КемелұлыТоқаевтың «Оқуға құштар мектеп» жобасын іске асыру мақсатында, «14-ақпан –Халықаралық кітап сыйлау күні» акциясына қош келдіңіздер!
Акцияның мәні:«Сіз кітапханаға кітап сыйласаңыз, жақсы ісіңіз өзіңізге қайта оралады»
Бұл акция қазіргі жаһандану мен ғаламдану заманында кітап оқуды насихаттау мақсатында ұйымдастырылып отыр. Кітап оқу-адамға өзіндік әсер ететін,оның адам болып қалыптасуына маңызды рөл атқарады.Кітап оқу мен кітапханаларды қолдау қоғам дамуының басты міндеттерінің бірі екенін ескере келе «Кітапханаға кітап сыйла» атты қайырымдылық акциясы ұйымдастырып отырмыз. Атаулы акцияға мектеп басшыларын,мектеп қызметкерлерін, оқушыларын, мектеп түлектерін, ата-аналарды әр түрлі жанрдағы кітаптар сыйлауға және демеуші болуға шақырамыз.
«Білім туралы» Қазақстан Республикасы 2007 жылғы 27 шілдедегі Заңының 6-бабы, 2-тармағы, 13-тармақшасына, “Жаратылыстану-математика циклы пәндері бойынша Президенттік олимпиаданы, жалпы білім беретін пәндер бойынша республикалық олимпиадалар мен ғылыми жобалар конкурстарын, орындаушылардың республикалық конкурстары мен кәсіби шеберлік конкурстарын ұйымдастыру және өткізу қағидаларын бекіту туралы” Қазақстан Республикасы Білім және ғылым министрінің 2012 жылғы 13 наурыздағы №99 бұйрығына өзгерістер енгізу туралы, Қазақстан Республикасы Білім және ғылым министрінің 2019 жылғы 15 наурыздағы №114 бұйрығына, «2020-2021 оқу жылында жалпы білім беретін пәндер бойынша республикалық олимпиаданың екінші аудандық кезеңін өткізу туралы» Түркістан облысының адами әлеуетті дамыту басқармасының 2021 жылғы 5 ақпандағы бұйрығына сәйкес Қазақстан Республикасының зияткерлер әлеуетін қалыптастыруға ықпал ету мақсатында өткізілген оқушылардың пәндік олимпиадасына мектебіміз бойынша 29 оқушы қатысып, 9 оқушы ІІІ орын, 3 оқушы ІІ орын иемденіп, 11 «Ә» сынып оқушылары Керімқұлова Торғын математика пәнінен, пән мұғалімі Егентаева Айжан, Мәжитова Әлия қазақ тілі мен әдебиеті пәнінен, пән мұғалімі Мамырайымова Ұлбала, Бекзатханова Самал орыс тілі мен әдебиеті пәнінен, пән мұғалімі Орынбекова Ғалия, 10 «А» сынып оқушысы Әзімханова Әйгерім өзін-өзі тану пәнінен, пән мұғалімі Нұржанова Шарбану, 9 «Г» сынып оқушысы Қалаш Нұртөре Адам. Қоғам. Құқық пәнінен, пән мұғалімі Қаныбекова Индира облыстық кезеңге жолдама алды. Шәкірттерімізге білімнің биік шыңын бағындыра беріңіздер дейміз!!!