Месяц: Октябрь 2022

Ө. Жәнібеков атындағы №4 жалпы орта лицей-интернатында «Оқуға құштар ұлт, оқуға құштар мектеп» бағдарламасы бойынша «Тіл мәртебесі- ел мәртебесі» айлық іс-шара қарсаңында 7-8-оқушыларының арасында «Жүзден жүйрік» интелектуалды байқауы болып өтті. Сайысқа қазағымның салт-дәстүрін, білімін, әдет-ғұрпын өзгелерден озық білемін деген кілең жүйріктер қатысты. Барлығы 13 оқушы арасынан финалға 3 оқушы суырылып шығып өз бақтарын сынады. Нәтижесінде «Жүзден жүйрік» байқауының жеңімпазы 7 «В»-сыныбының оқушысы Базарбай Аяулым атанды. Екінші орынды 7«В»-сынып оқушысы Жанадилова Ақбота иеленсе, Үшінші орынды 7«В»-сыныбының оқушысы Маратқұл Медет өз қанжығасына байлады.   Сайысқа қатысып белсенділік танытқан барлық оқушыларға Алғыс хат табыс етілді. Жарыс өз жалғасын табады деп сенеміз

Кітап маған тақтан да қымбат,-деп Англияның жазушысы,драмматург Ульям Шекспир  айтқандай,кітапты сүю,ерінбей оқу оқырманның бұрынғы  жұмысы болғандығы белгілі.Елімізде қазіргі таңда,кітапсүйер қауымды көбейту мақсатында игі іс шаралар,жұмыстар жүргізілуде.Соның бірі деп айтсақ болатын 

   Ө.Жәнібеков атындағы №4 жалпы орта лицей-интернатында  “Кітап оқу жарысы”өткізілді.Аталмыш жарысты ұйымдастырған қазақ тілі мен әдебиеті пәні мұғалімі Ұ.Мамырайымова оқырманға оқитын кітабын электронды нұсқада жіберіп,нәтижесін ортаға салу лицейдің АКТ залында өтті.

Оқырманның  оқыған кітабы

1.Жүйелі баяндау; 

 2.Үздік пікір айту;  

3.Бәйгеге  ұсынылған кітаптар барысын қамтитын тестік сұрақтармен  пысықталды.

   Теңіздің түбінен гауһар табылады,кітаптың түбінен білім алынады демекші рухани құндылықты ұғынып, шабытқа кенелген көрермен де,оқырмандар да жарыс жалғасын тапса деген сұраныспен жарыс аяқталды.

Ө. Жәнібеков атындағы лицей -интернатта 3.10-30.10.2022 ж жоспарға сай ағылшын және орыс тілдерінің айлығы өтпек. Бүгін,яғни 3.10.2022 ж. күні айлықтың ашылу жиыны өтті.

” Ұстаз аты-биік,әрі мәңгілік” деп ұстаздар мерекесіне орай ағылшын және орыс тілдерінде өз тілектерін,алғыстарын жеткізді,ән шашуларын арнады. Өз тіліңді білсең төрге шығасың,  өзге тілді білсең – өрге шығасың.

Орыс тілі есік ашса әр елге, ал ағылшын есік ашар әлемге.