Ел Президенті Қасым-Жомарт Тоқаевтың 2029 жылға дейінгі сайлауалды бағдарламасы аясында 1-4 сынып оқушыларын 100 пайыз мектеп тамағымен қамту жоспарланған. Мемлекет басшысының бұл бастамасы өз кезегінде балалардың денсаулығына, жақсы дамуына, оқу үлгерімін және әл-ауқатын жақсартуына оң әсер ететіні сөзсіз. Осыған орай Отырар ауданының білім бөліміне қарасты Ө. Жәнібеков лицей-интернат” кмм-де 2023-2024 жаңа оқу жылы 1 қыркүйектен бастап бастауыш сыныптан 326 оқушыға ыстық тамақ берілді. Бұл жаңалық ата-аналарды да, балаларды да қуантты.
