День: 06.11.2024

Ө.Жәнібеков атындағы лицей-интернатта “Ағылшын тілі-ынтымақтастық пен болашақ кілті”атты ағылшын тілі айлығының жоспары бойынша 5 “б”сынып жетекшісі,пән мұғалімі Айсана Қаржаубекқызы 16 қазан -Әлемдік нан күніне орай жәрмеңке өткізіп,ұйымдастырушылық қабілетін көрсетті.Нан-әлемдегі ең танымал өнімдердің бірі екенін дәріптеп, баршаға денсаулық,өркендеу,жетістік тіледі. Жоспар аясында пән мұғалімі Дүйсебай Нұрсұлу 6″г” сыныбында үлгілі ашық сабақ берді.Ұстаз цифрлық платформаларды меңгеріп, тиімді пайдалана отырып,сабақ мақсатына жетті.Жаңашылдыққа жаны құмар ұстаздың шәкірттері де білімдерін көрсетіп,белсенділік танытты.

Ө.Жәнібеков атындағы №4 лицей-интернатында 4.11.2024ж күні «Ғасырдың ғажап үш тірегі» тақырыбындағы математика, физика және информатика айлығының ашылуы орын алды. Негізгі мақсатымыз – оқушылардың пәнге деген қызығушылығын арттыру, олардың жағымды эмоциясын тудыру, дербес қорытынды жасауға және жалпылауға негіздеу, күнделікті өмірде физика, математика және информатика мәліметтерін қолдану, нақты ғылымдардың жұмбақ әлеміне кіре отырып,оқушылардың ой өрісі мен түсінігін байыту. Осы айлықтың барысында түрлі ашық сабақтар, сыныптан тыс іс – шаралар өткіземіз. Оқушылардың қызығушылығын арттыру барысында пән айлықтарының орны ерекше. Ашылу барысында Жасанды интеллект пен нейронды желіні пайдалану арқылы Шығыстың ғұлама ойшылы Әбу Насыр әл-Фарабидің фотосын жасанды сөйлету, Робот аниматоры, ойын арқылы оқушылардың шапшаңдығын байқау, тілектер жазылған алмалар арқылы ашылды.