Ө.Жәнібеков атындағы №4 жалпы орта лицей – интернатында апта көлемінде, білім жолындағы «Сүйінші» дер тұсымыз көп болуда. Пәндік олимпиадада құқық пәнінен облыстан оза шапқан 10 «В» сыныптың Қалаш Нұртөре сынды оқушымыз пәндік олимпиаданың республикалық кезеңінен де жүлделі 2-орынды иеленді.
Қалаш Нұртөре шәкіртіміз 2020-2021 оқу жылында құқық пәнінен «Жалпы білім беретін пәндер бойынша республикалық олимпиаданың облыстық кезеңінен» ІІІ дәрежелі диплом алса, ал 2021-2022 оқу жылында құқық пәнінен «Жалпы білім беретін пәндер бойынша республикалық олимпиаданың облыстық кезеңінен» І дәрежелі дипломмен марапатталып, пәндік олимпиаданың республикалық кезеңінен де жүлделі 2-орынды иеленді.
Маслоудың қажеттіліктер иерархиясының 5 деңгейдегі «Өзін-өзі таныта білу –дарын, қабілеті мен әлеуетін толық көрсете білу » деген қағидасын шәкіртіміз аңғартты. Бұл қажеттілікте өзін-өзі көрсету басты мақсат болғанымен, бастаған жұмысты аяқтағаннан алатын рахат сезімі мен импульстарды бақылауды жатқықызуға болатынын дәлелдеген шәкіртіміз Нұртөренің алар асу әлде алда деп ойлаймыз!
Құқық пәні мұғалімі Қаныбекова Индира әріптесіміздің еңбегі «Сапалы және табысты оқытудың» нәтижесі екендігін аңғартады. Шәкірт ұстазға қарап өседі. Оқушыны білімге қызықтырып, өз әлеміне баурап алу үшін ұстазға дариядай терең білім, биік парасаттылық, еңбекқорлық керек. Құқық пәні мұғалімі Қаныбекова Индираны үлкен нәтижесімен құттықтаймыз.
«Ұрпағы білімді халықтың болашағы бұлыңғыр болмайды» дегендей, мағыналы, өнегелі тәрбие мен сапалы білім беруде мектеп ұжымы. Әр жеке тұлғаның болашағы өз мектебінде шыңдалады. Ертең осы елге ие болып, тәуелсіз еліміздің тізгінін ұстар азаматтар – бүгінгі мектеп оқушылары.
Қалаш Нұртөре шәкіртіміздің оқудағы жетістігі мен талабы үшін ата – аналарына мың алғыс айтамыз.