Рубрика: Соңғы жаңалықтар

Әлемге әйгілі Шығыстың ғұлама ойшылы Әбу Насыр Әл-Фараби «Ізгі және қажетті шаруа атқарған адамның бәсі де жоғары болуы керек.» деген екен. Сол айтқандай Президентіміз Қасым-Жомарт Тоқаевтың тапсырмасымен әсіресе білім саласында жүрген біздер үшін де үлкен парыз жүктелді. Халық даналығындағы «Білекті бірді жығар, білімді мыңды жығар» ұғымы дәл қазіргі кезеңге сай келіп отыр. Әрбіріміздің алдымызда тұрған басты міндеттің бірі – салауатты, саналы, білімді, ақыл-парасаты мол және ғылыми-мәдени өрісі кең ұрпақ тәрбиелеу екендігін президентіміз ерекше атап өтті. Сондықтан да интеллектуалды ұрпақ қалыптастыру бойынша берген тапсырмасын жұмыла абыроймен атқарамыз деген сенімдемін.

Қазақстан Республикасы Білім және ғылым министрлігі, Ұлттық білім берудің сапасын бағалау орталығы, экономикалық ынтымақтастық және даму ұйымы Ө.Жәнібеков атындағы №4 жалпы орта лицей-интернатының 15 жасқа толған 91 оқушыларының функционалдық сауаттылығын дамыту мақсатында: Халықаралық оқушылардың білім алу жетістіктерін бағалау рәсімін өткізді. Рәсімге аудандық адами әлеуетті дамыту бөлімінің әдіскері Есенәлиева Роза әріптесіміз басшылық жасады. Бұл 15 жастағы оқушының құзырлылығының даму деңгейін анықтауға арналған диагностикалық құрал. Бұл жаста көп елде мектептегі  міндетті білім тәмамдалады.  PISA халықаралық зерттеуі барлық білім беру ұйымдарындағы   15-жастағы оқушылардың оқу, математика және жаратылыстанудан білім жетістіктерін анықтауды мақсат етіп қояды. Зерттеу оқушылардың қабілеттерін емес, ол оқу барысында меңгерген білімдері мен дағдыларын өмірлік жағдайларда қолдана білу ептіліктерін бағалауға бағытталған.

Ө.Жәнібеков атындағы №4 жалпы орта лицей-интернатының 2020 жылғы түлегі, ең жоғары 124 балл жинаған, «Алтын белгі» иегері, бүгінгі Сүлейман Демирел атындағы университеттің «Бизнес мектебі» факультетінің, «Қаржыгер» мамандығы бойынша ІІ курс студенті Асқарова Аяжан Асқарқызы жоғары білім алып жатқан оқу орнының ректоры Д.Э.Гаиповтың атынан мектеп ұжымына, мектеп директоры Әріпбеков Әділхан Әсілханұлының атына «АЛҒЫС ХАТ» әкеліп, биылғы бітіруші түлектермен оқу орнының тәжірибесімен бөлісті.

Пайда ойлама, ар ойла,
Талап қыл артық білуге.
Артық білім кітапта,
Ерінбей оқып көруге.

Абай Құнанбайұлы

         Түркістан облысының адами әлеуетті дамыту басқармасының «Білім беруді дамыту орталығының» ұйымдастыруымен қазан айынан бастау алған «KitapXAH@» облыстық жаңа жобасының кітап оқу сайысының апталық, айлық кезеңнің жеңімпаздары анықталып, нәтижесінде әріптестеріміз қазақ тілі мен әдебиеті пәнінің педагог-зерттеуші мұғалімі Әбдіразаққызы Рәзия мен жас маман Кәдірбек Балжан жылдық кезеңге жолдама ала отырып марапатталды.

Ө.Жәнібеков атындағы №4 жалпы орта лицей-интернатының 7 “А”  сынып оқушысы, шәкіртім Құрбан Нұрайымның спорттың taekwondo түрінен Нұр-Сұлтан, Қызылорда, Шымкент, Түркістан, Шардара қалаларында өткен республикалық, облыстық жарыстарда топ жарып алған жүлделеріне қарап, болашақта олимпиада чемпионы боларына үміттенесің, дәлірек айтқанда сенеміз!!!