Рубрика: Соңғы жаңалықтар

Ө.Жәнібеков атындағы №4 жалпы орта лицей-интернатында 2021 жылғы 24 желтоқсан күні Тәуелсіздіктің 30 жылдығына, Ө.Жәнібековтың 90 жылдығына орай қосымша білім беру педагогы А.Мәуленқұловтың ұйымдастыруымен, үйірме жетекшілері А.Әжімұратов, Ж.Арысбаев, С.Абдуллаев, Н.Әуелбекұлы, А.Жұманова, С.Дулатова, А.Есенәлиева, Ж.Саттарқұлова, Н.Смайлов, Ж.Сындарқұлова және М.Сұлтанова 256 үйірме мүшелерін қатыстыра отырып «Елімнің бақытын тербеткен – Тәуелсіздік!» тақырыбында мерекелік кеш өтті. Үйірме жетекшілеріне шәкірттеріңізге үйретерлеріңіз көп болсын, шәкірттерге жеңіс тұғырынан көрінулеріңіз көп болсын дейміз!!!

 Оқушылардың сауат ашу пәнін оқу барысында алған білімдерін қорыту, төрт айдың ішінде мектеп қабырғасында үйренген өнерлері мен іскерліктерін ата – аналарға көрсету. Өз ойларын ашық, еркін айту, сөйлеу мәдениетін, ойлау қабілеттерін, жан – жақты білімдерін, шығармашылық, танымдық қабілеттерін дамыту, талғамдарын дамыту. Білімге деген сүйіспеншіліктерін, білім алуға, өнерге деген құштарлықтарын арттыру. Адамгершілікке, ұқыптылыққа, бірін — бірі сыйлауға, өзін — өзі дұрыс ұстауға, ұжымшылдыққа, әсемдікке, еңбекке баулу, ана тілін сүйіп, қастерлеуге тәрбиелеу.

Көрнекілігі: Қазақ әліпбиі,суреттер, нақыл сөздер, «Әліппе», «Ана тілі»оқулықтарының мұқабасы, шарлар.

1 “А” сынып жетекшісі: М. Қасетова

Ө.Жәнібеков атындағы №4 жалпы орта лицей-интернатының 9-сынып оқушысы Валяева Ангелина Викторовна бүгінгі күнге дейін спорттың дзюдо, самбо, қазақша күрес, белбеу күресі, жеңіл атлетика, баскетбол, волейбол, футбол және гандбол түрлерінен аудандық, облыстық, республикалық додаларда жүлделі болып жүрген шәкіртіміз. Ангелинаның негізгі орта білімнен кейін спорт мектебіне түсіп, болашақта «Ұлылар мекені, ойшылдар отаны – Отырардан» шыққан олимпиада чемпионы болсам деген арманына ниеттес болдым.

 

 «Бүгінгі біздің тәуелсіздігіміздің қайнар көзі – қазақ халқының сан ғасырлар бойғы күресінде, азатыққа ұмтылған қайсарлығында жатыр» деп Елбасымыз айтқандай, сол уақытта ата-бабамыз атқа қонып елімізді, жерімізді қорғамаса, азаттығымыз үшін күреспесе бұл тәуелсіздікке қол жеткізе алар ма едік? Қайсар да батыр бабаларымыз болмаса бейбіт күннің ақ таңын сезіне алар ма едік? Арыға бармай-ақ, кешегі 1986 жылы орын алған желтоқсаншы жастар болмаса осы күнге жетер ме едік? Жоқ, олардың отан сүйгіштігі болмаса, ұлтжандылығы болмаса осы күнге жету жетпеуіміз екіталай еді. Солай ғой, сондықтан ең бірінші тәуелсіздікке қол жеткізу жолында жанын берген, қанын берген ата-баба аманатын біздер қастерлеуге міндеттіміз. Ата-бабалар әруағына мың тағзым!

«Тәуелсіздік» сөзінің өзі жанымызға жылу, бойымызға күш, қуат береді. Тәй-тәйлаған баладай басқан адымдарын санап, 4-5 жасында өз-өзіне қарап, 10-15 жасында пайдаға ісі жарап, 20-25 жасында өсіп-өніп, аты әлемге тарап, етек-жеңін жинап, бар әлемді мойындатып, Тәуелсіздіктің бесігінде 30 жыл тербелген қазақ елі, 30 жылдық тәуелсіздігің құтты болсын!
Желтоқсанның ызғары да, қатып калған мұздары да, қазақ жастарын қорқыта алмады, қайсарлықпен бодандыққа қарсы тұрған желтоқсаншы жастарға бас иеміз! Ата-бабалардың аңсауымен, желтоқсаншы жастардың қайсарлығымен Тәуелсіздік есіктен еніп, жанымызға шаттық сыйлағалы міне 30 жыл, 30 жас. Отыз жылда ел жаңа, еліміз көркейіп, жеріміз жандануда, бар әлемнің назары біздің елімізде. Қазақстанды бүкіл әлем таниды десек қате айтқанымыз емес. Аз уақытта бойын тіктеп, басқа шет елдерге үлгі бола білген еліміздің 30 жылдығы, 30 жасы құтты болсын қазақ елі! Қазақтығымыз бітпесін, азат күніміз бітпесін! Қазақ тіліміздің тұғыры берік боп, елдігіміз жандана берсін! 30 жылдығың 100 жылдыққа ұласып, шаттығың мен бақытың ортаймасын! Қазақ елі жасай берсін! Қазақстан жасай берсін!