Рубрика: Соңғы жаңалықтар

Мемлекет басшысы Қ.К.Тоқаевтың «Оқуға құштар мектеп»  жобасы аясында, Қазақстан Республикасы Тәуелсіздігінің 30 жылдығына орай Ө.Жәнібеков атындағы №4 жалпы орта лицей-интернаты кітапханасында кітапханашы Нұрмаш Гүлбарам мен тарих пәнінің мұғалімі Бердиярова Майраның ұйымдастырымен 8-сынып оқушыларының  қатысуымен, Қазақстан Республикасы туралы, оның Тәуелсіздігі туралы мәлімет беру. Тәуелсіздікке  қалай  жеткенін баяндау, оқушыларды өз елін сүюге, қастерлеуге, осы елдің ұланы екенін мақтан етуге баулу, өз ана тілін сүюге, әдемі сөйлеуге үйрету. Оқушыларға тәуелсіздіктің ұғымы түсіндіру. Еліміздің егемендік алғанынан бері жеткен жетістіктерін жеткізу. Еліне деген сүйіспеншілігін арттыру, әдет-ғұрып, салт-дәстүрді сақтап, әрі қарай жалғастыруға тәрбиелеу мақсатында «Тәуелсіздік белестері» атты тақырыптық кеш өткізілді.

Ө.Жәнібеков атындағы №4 жалпы орта лицей-интернатында «Қазына» химия, биология және география пәндері мұғалімдерінің әдістемелік бірлестігінің «Тәуелсіздік жылдарындағы жаратылыстану ғылымдарының жетістігі» тақырыбындағы онкүндік жоспарына сәйкес география пәнінің мұғалімі Еркінбек Полатханның «Туған жер елімнің көркем бейнесі» атты оқушыларды жергілікті жердің табиғаты көркем, тарихи жерлерімен таныстыру саяхатынан көріністер.  

Ө.Жәнібеков атындағы №4 жалпы орта лицей-интернатының 2021-2022 оқу жылына арналған өндірістік жоспарына сәйкес «Қазына» химия, биология және география пәндері мұғалімдерінің әдістемелік бірлестігінің 3-13 желтоқсан аралығында онкүндігі өтіп жатыр. Онкүндіктің жоспарында «Қазақ гидронимдері», «Жаһандық экологиялық мәселелер. Геоэкологиялық процестердегі географиялық заңдылықтардың рөлі», «Заттардың жіктелуі», «Жүрек қантамырлар жүйесінің аурулары», «Қазақстанның су ресурстарына экономикалық баға беру», «Ауа. Ауаның құрамы», «Қан топтары. Резус-фактор», «Сутек және оның қасиеттері» тақырыптарында ашық сабақтар мен сыныптан тыс іс-шаралар жоспарланған. Әдістемелік бірлестік жетекшісі, география пәнінің педагог-зеттеуші мұғалімі Әбішева Клара және де басқа әріптестерімізге алдағы уақытта кәсіби біліктілік пен шығармашылық табыстар тілейміз!!!

Ө.Жәнібеков атындағы №4 жалпы орта лицей-интернатында 2021 жылғы 22 қараша мен 2 желтоқсан аралығында «Болашақ» тәрбиешілер әдістемелік бірлестігінің «Ұлттық тәрбие – құндылық бастауы» атты онкүндігі жүріп жатыр. Онкүндік барысында Қазақстан Республикасы Тәуелсіздігінің 30 жылдығына, Ө.Жәнібековтің 90 жылдығына орай және де тәрбиеленушілердің Отанға деген патриоттық сезімін жетілдіру мақсатында әдет-ғұрыптарымызды, салт-дәстүрлерімізді дәріптейтін тәрбие сағаттары мен сыныптан тыс іс-шаралар көптеп өтуде.

Бүгін Ө.Жәнібеков атындағы №4 жалпы орта лицей-интернатында «Болашақ» тәрбиешілер әдістемелік бірлестігінің «Ұлттық тәрбие – құндылық бастауы» атты онкүндігінің ашылу салтанаты болып, соңы аудандық «Әкелер мектебі» кеңесінің жоспарына сәйкес «Ұрпақ тәрбиесі – ұлт тағдыры» атты жиналысымен жалғасты. Жиналысқа кеңес мүшелері аудандық «Ардагерлер кеңесінің» төрағасы Өксікбаев Мырзабай, Жаңабаев Сатыбалды ағаларымыз қатысты.  Тәрбие ісі жөніндегі орынбасар Жақашова Айнұр атқарылған жұмыстар жөнінде бейнероликтер көрсете отырып баяндама жасады. «Ендігі мақсат – қазақ отбасындағы әкенің статуысын қайтару», «Ер азаматтың беделі оның табысында», «Әке – баланың қорғаны» тақырыбындағы баяндамалар жиналысқа қатысушыларға оң әсерін тигізіп, ортаға өз пікірлерін айтуға ықпал етті. Алдағы уақытта жалпы ата-аналар жиналысына әкелер қатысу керек деген ұйғарымға келді. Өмірден көргені мен түйгенін дәріптеген Өксікбаев Мырзабай ағай көпшіліктің алғысына бөленді. Жиналысты мектеп басшысы Ә.Әріпбеков қорытындылап арнайы топ пен барлық қатысушыларға  «Әкелер мектебінің» жасөспірімдер арасындағы қылмыс пен құқықбұзушылықтың алды алынып, салт-дәстүр мен ұлттық құндылықтарды дәріптеуде алатын орны ерекше екендігі жайлы жеткізді.